|
мусулмонларни айбламоқчи бўлганлар, пичинг қилганлар. Шунда мана шу муборак оят нозил бўлган.
Бу муборак оят нозил бўлганидан кейин Пайғамбар с.а.в. карвонни ҳам, икки асир фидясини, товонини ҳам қабул қилганлар.
Ривоятларга кўра, карвон билан тўқнашув ва ўлдириш ражаб ойининг бошида содир бўлган. Гуруҳ жумодус-сонийда юборилган. Бу гап оятнинг нозил бўлиш сабабини ўзгартира олмайди. Чунки ҳар икки ҳолатда ҳам, ражаб ойининг бошида бўладими, охирида бўладими, воқеа уруш ҳаром қилинган ойда содир бўлган.
3. Бу муборак оятдан шу нарса англашиладики, уруш ҳаром қилинган ойда жанг қилиш ҳаромдир ва жуда катта гуноҳдир.
قُلْ قِتَالٌ فِيهِ كَبِيرٌ
(У ойда жанг қилиш катта гуноҳдир, деб айтинг). Лекин Аллоҳ Таоло баён қиляптики, Қурайш кофирларининг қилган ишлари, Аллоҳга куфр келтиришлари, одамларни У Зотнинг йўлидан ва Масжидул Ҳаромдан тўсишлари, Пайғамбар с.а.в. ва мўминларни ҳайдашлари, мушрикларнинг мусулмонларни динидан қайтариш учун қилган барча ҳаракатлари Аллоҳнинг наздида каттароқ гуноҳдир. Шунинг учун мушриклар мусулмонларнинг уруш ҳаром қилинган ойда жанг қилганларини қоралашдан олдин Аллоҳ Таолонинг, Пайғамбар с.а.в.нинг ва мўминларнинг ҳақларига нисбатан ўзларининг қилган жиноятларига қарасинлар. Олдин ўзларига боқсинлар, кейин ноғора қоқсинлар. Ана шунда ўзларининг қилган жиноятлари уруш ҳаром қилинган ойда жанг қилишдан кўра анча кўпроқ, каттароқ гуноҳ эканини билиб оладилар.
وَصَدٌّ عَن سَبِيلِ اللّهِ وَكُفْرٌ بِهِ وَالْمَسْجِدِ الْحَرَامِ وَإِخْرَاجُ أَهْلِهِ مِنْهُ أَكْبَرُ عِندَ اللّهِ وَالْفِتْنَةُ أَكْبَرُ مِنَ الْقَتْلِ
(Аллоҳнинг йўлидан тўсиш, Унга ишонмаслик ва Масжидул Ҳаромдан (яъни Маккадан) тўсиш ва ундан аҳлларини қувиб чиқариш Аллоҳ наздида улуғроқ гуноҳдир. Фитна (алдаш) ўлдиришдан-да каттароқ гуноҳдир).
Яъни, Қурайш кофирлари уруш ҳаром қилинган ойда жанг қилинганига қарши ҳужжат келтирадилар, шу ишни қоралаб гапирадилар. Аммо ўзларининг қилган жиноятлари уруш ҳаром қилинган ойда жанг қилишдан кўра неча баробар оғирроқ гуноҳ эканлиги ҳақида лом-мим демайдилар.
وَالْمَسْجِدِ الْحَرَامِ
ибораси (به ) даги замирга эмас,
سَبِيلِ اللّهِ
198-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208